جانیں لنک میں! فی تولہ سونا کس حساب سے فروخت ہونےلگا پاکستان میں نئی قیمت سامنے آگئی؟

کائنات نیوز! مقامی مارکیٹ میں سونے کی قیمتوں میں مسلسل اضافے کا رجحان جاری ہے اور فی تولہ سونا ایک لاکھ 13 ہزار 300 روپے کا ہوگیا ہے۔بین الاقوامی بلین مارکیٹ میں فی اونس 24 قیراط سونے کی قیمت میں 7 ڈالر کے اضافے سے 1913 ڈالر کی سطح پر پہنچنے کے باعث مقامی صرافہ مارکیٹوں میں بھی منگل کو فی تولہ اور فی دس گرام سونے کی قیمتوں میں بالترتیب 800روپے اور 686روپے کا اضافہ ہوگیا۔

جس کے نتیجے میں کراچی، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹوں می فی تولہ سونے کی قیمت بڑھ کر 113300روپے اور فی دس گرام سونے کی قیمت بڑھ کر 97136 روپے ہوگئی۔بلین مارکیٹ کے نمائندوں کا کہنا ہے کہ دبئی گولڈ مارکیٹ کے مقابلے میں پاکستانی صرافہ مارکیٹوں میں منگل کو بھی فی تولہ سونے کی قیمت 4000 روپے کم رہی ہے۔ اس کے برعکس فی تولہ چاندی کی قیمت بغیرکسی تبدیلی کے 1200روپے اور دس گرام چاندی کی قیمت 1028روپے 80پیسے پر مستحکم رہی ہے۔دوسری جانب منگل کے روز انٹر بینک میں ڈالر کی قیمت میں 24 پیسے کمی ہوئی جس کے بعد انٹر بینک میں ڈالر 164 روپے 08 پیسے کا ہوگیا۔ ایشیائی اسٹاک مارکیٹس میں تیزی دیکھی گئی، جاپان کے نکئی انڈیکس میں 113 پوائنٹس اضافہ دیکھا گیا جبکہ ہانگ کانگ کے ہینگ سینگ انڈیکس میں 162 پوائنٹس کا اضافہ ہوا۔شنگھائی کمپوزٹ انڈیکس میں 7 پوائنٹس کی کمی دیکھی گئی۔

 

اپنی رائے کا اظہار کریں

error: Content is protected !!