گاڑی چلاتے ہوئے بار بار نیند آنا، علاج کیسے کیا جائے؟جانیں

کائنات نیوز! کام کے دوران سوجانا ایک فطری عمل ہے، یہ کام عموماً دفاتر میں اکثر دیکھنے کو ملتا ہے، اس کی وجہ رات کو نیند کی کمی یا دوپہر کے کھانے کے بعد غنودگی طاری ہونا ہے۔لیکن گاڑی چلاتے ہوئے اونگھنا یا غنودگی کے باعث سستی کا مظاہرہ کرنا انتہائی خطرناک ہے کیونکہ ڈرائیونگ کرتے ہوئے ذرا سی بھی غفلت بڑے حادثات کا سبب بن جاتی ہے۔

دنیا کے دیگر ممالک کی طرح سعودی عرب میں بھی ڈرائیونگ کے دوران نیند آنے سے خوفناک ٹریفکحادثات میں کئی جانیں ضائع جاتی ہیں، ایک رپورٹ کے مطابق اونگھ کی وجہ سے مملکت میں یومیہ10 اموات ہورہی ہیں۔اس حوالے سے ایک سعودی میگزین میں ڈاکٹر سعد الشریف نے ڈرائیونگ کے دوران آنکھ لگنے کے متعدد اسباب پر روشنی ڈالی ہے اور اس سے بچاؤ کا طریقہ بیان کیا ہے۔نجی چینل سے گفتگو کرتے ہوئے انہوں نے کہا کہ دن کے وقت اونگھنے کے بہت سارے اسباب ہیں، ان میں نمایاں ترین رات کو دیر تک جاگنا، رات کے وقت کی بھرپور نیند نہ لینا، نیند میں انتشار، ذہنی اور اعصابی پریشانی اور بعض خصوصی ادویات کا استعمال ہے۔ڈاکٹر سعد الشریف نے اونگھ کے مسائل سے بچنے کا طریقہ کار بیان کرتے ہوئے کہا کہ اس کے لیے ضروری ہے کہ رت جگے سے پرہیز کیا جائے۔انہوں نے کہا کہ نیند کے معمولات درست کیے جائیں،

رات کے وقت معقول نیند کا اہتمام کیا جائے، دن کے وقت اونگھ کا باعث بننے والے صحت مسائل کا مؤثر علاج کیا جائے۔اپنی گفتگو میں ڈاکٹر الشریف نے ڈرائیوروں کو یہ بھی مشورہ دیا کہ اونگھ آنے پر معمولی سے فاصلے کی بھی ڈرائیونگ نہ کی جائے۔

اپنی رائے کا اظہار کریں

error: Content is protected !!