رمیز راجہ نے پاک بھارت ٹیموں کے درمیان سیریز سے متعلق میٹنگ کے امکان کو مستردکردیا

رمیز راجہ

کائنات نیو ز ! پاکستان کرکٹ بورڈ کے چیئرمین رمیز راجہ نے پاکستان اور بھارت کی ٹیموں کے درمیان سیریز سے متعلق میٹنگ کے امکان کو مستردکرتے ہوئے کہا ہے کہ سہ ملکی سیریز میں پاک بھارت ٹیمیں ایک دوسرے کا سامنا کر سکتی ہیں ۔ ایک انٹرویومیں رمیز راجہ نے کہا کہ بھارت اور پاکستان

سہ ملکی سیریز کے لیے کارڈ سے باہر نہیں ہیں اور سہ ملکی سیریز میں دونوں ٹیمیں ایک دوسرے کا سامنا کرسکتی ہیں۔تاہم پی سی بی چیئرمین نے دونوں ممالک کی ٹیموں کے درمیان سیریز سے متعلق میٹنگ کے امکان کو مستردکردیا۔رمیز راجہ نے کہا کہ پاکستان اور بھارت کے درمیان دو طرفہ سیریز مشکل کام ہے مگر کچھ پوائنٹس پر سہ ملکی سیریز کرائی جاسکتی ہے۔انہوں نے کہا کہ جہاں تک انٹرنیشنل ٹورنامنٹس کا تعلق ہے ان سے دستبردار ہونا آسان نہیں ہے کیونکہ اس طرح کے کیس میں بہت زیادہ دباؤ ہوتا ہے، تمام چیزیں بورڈز کے سامنے پیش کی جاتی ہیں اس لیے انہیں نہیں لگتا کہ بھارت انٹرنیشنل ٹورنامنٹس سے پیچھے ہٹے گا۔واضح رہے کہ 2025 کی آئی سی سی چیمپئنز ٹرافی کا میدان پاکستان میں سجے گا

لیکن روایتی حریف بھارت کی اب تک اس اہم ایونٹ میں شرکت یقینی نہیں ہے۔ اس حوالے سے بھارتی وزیر کھیل انوراگ ٹھاکر کا کہنا تھاکہ دورہ پاکستان کے حوالے سے وقت آنے پر فیصلہ کیا جائے گا، بھارتی حکومت پوری طرح پاکستان کی سکیورٹی صورتحال کا جائزہ لے گی جس کے بعد ہی ہم ٹیم بھیجنے سے متعلق کوئی اعلان کریں گے

اپنی رائے کا اظہار کریں

error: Content is protected !!