حسن کی مالک ایشوریہ رائے کی ایک ایسی تصویر منظر عام پر آگئی کہ آپ پلکیں جھپکنا بھول جائیں گے

ممبئی (آن لائن نیوز) حسن کی مالک ایشوریہ رائے کی ایک ایسی تصویر منظر عام پر آگئی کہ آپ پلکیں جھپکنا بھول جائیں گے، انڈین بولی وڈ کی شاید ہی کوئی اہم اداکارہ ایسی ہو جو کسی نہ کسی کیلنڈر کی زینت نہ بنی ہو لیکن حال ہی میں فوٹو گرافر دبّو رتنانی نے 2020 کا اپنا کیلنڈر جاری کیا ہے جس نے سب کی توجہ اپنی جانب مبذول کرائی ہے .

کیونکہ اس میں بولی وڈ کی اداکارہ اور اپنے زمانے کی ملکہ عالم ایشوریہ رائے کی ایسی تصویر شائع کی گئی ہے جس کے بارے میں یہ دعویٰ کیا جا رہا ہے کہ ’اس سے آپ اپنی نظریں نہیں ہٹا سکیں گے .‘گذشتہ دنوں ایشوریہ رائے بچن نے مسٹر رتنانی کے تازہ کیلنڈر سے اپنی ایک تصویر پوسٹ کی جسے ان کے مداحوں نے ہاتھوں ہاتھ لیا اور خوب پذیرائی کی.اس کے ساتھ انھوں نے ڈبّو رتنانی کے بارے میں لکھا کہ ’اپنے سفر کے 25 سال مکمل کرنے پر ڈیبز کو مبارکباد اور 21 سال تک آپ کے کیلنڈر کے لیے آپ کی فیملی کا حصہ ہونے کا شکریہ. خدا آپ کو خوش رکھے اور آپ چمکتے رہیں.خیال رہے کہ بھارت میں اداکاراؤں اور خوبصورت لڑکیوں کی تصاویر والے کیلنڈرز کے حوالے سے ’کنگ فشر‘ کے کیلنڈر بہت شہرت رکھتے تھے اور ان کے کیلنڈر میں شامل ہونے والی بہت سی لڑکیوں نے بولی وڈ تک رسائی بھی حاصل کی ہے.رتنانی 1999 سے مسلسل کیلنڈر شائع کر رہے ہیں اور وقت کے ساتھ ان کا یہ ایونٹ بڑا ہوتا جا رہا ہے. ان کے کیلنڈر کی رونمائی کی تقریب میں بولی وڈ کی تقریباً تمام بڑی شخصیات شرکت کرتی ہیں.ان کے کیلنڈر میں ہر سال شوبز کے 24 چہرے ہوتے ہیں جن میں سے بعض چہرے ایسے ہیں جو تقریبا ہر سال ہوتے ہیں.

ایشوریہ رائے

ان میں امیتابھ بچن، ایشوریہ رائے، شاہ رخ خان، بپاشا باسو، ارجن رامپال اور ابھیشیک بچن شامل ہیں.2018میں انھوں نے بھارت کی مانوشی چھلر کو اپنے کیلنڈر میں شامل کیا تھا جو کہ 2017 میں ملکہ عالم بنی تھیں.

یہ بھی پڑھیں! توبہ توبہ کرا دی توں ظالماں! نامورگلوکارہ کومل رضوی نے کیا شرمناک کام کرنے سے توبہ کرلی ؟

اپنی رائے کا اظہار کریں

error: Content is protected !!